Ј.П. Билјанини Извори во Охрид, Македонија
Јавното претпријатие Билјанини Извори е јавно претпријатие , формирано со одлука на Советот на град Охрид на 28 февруари 2008 година. Неговата основна дејност е да стопанисува со Спортско рекреативниот центар Билјанини извори и јавниот паркинг простор.
Спортско рекреативниот центар се наоѓа на 695 метри надморска височина, со идеални климатски услови во текот на целата година ( 232 сончеви денови во годината ), лоциран на излезот на Охрид во подножјето на планината Галичица.
Инфраструктура што ја поседува Спортско рекреативниот центар овозможува одлични услови за спортско професионално и рекреативно користење на истата, како и можности за организирање на културни, музички и други алтернативни настани.
Спортско рекреативниот центар бил домаќин на многубројни спортско-културни манифестации од кои поважни се:
- Европско сениорско првенство во ракомет за жени - 2008 година
- Светско младинско ракометно првенство за мажи - 2007 година
- Светско кадетско ракометно првенство за жени - 2008 година
- Европско младинско кошаркарско првенство за мажи - 2000 година
- Концерт на Брајан Фери ( Спортска сала ) - 2007 година
- Концерт на Лени Кравиц ( Градски стадион ) - 2008 година
- Концерт на Боб Синклер ( Градски стадион ) - 2009 година
- Концерт на Бјело Дугме ( Градски стадион ) - 2010 година
Јавниот паркинг простор е втората дејност со која стопанисува ЈП Билјанини Извори. Во овој момент ние раководиме со следните јавни паркинзи на територија на Општина Охрид :
- Цвеќара Мартина
- Дом на култура
- Горна порта
- Паркинг АСНОМ
ЈП Билјанини Извори располага со човечки ( искусен професионален кадар ) и машински ресурси ( машина за бусен ) за ваѓање и поставување на бусен како и за комплетно одржување на фудбалски терени и секакви тревнати површини.
Повелете дојдете
Со почит,
ЈП Билјанини Извори
Последни вести
Спортски ден по повод Денот на Европа 9 мај (11:39 AM, 05/09/2012)
Денес со почеток во 10:00 часот во СРЦ “Билјанини Извори” се одржува Спортски ден по повод 9 мај Денот на Европа.
Настанот е организиран од Сојузот на училишни спртови во соработка со локалната самоуправа. Основците и средношколците од Охрид ќе се натпреваруваат во повеќе спортски дисциплини, одбојка, атлетика и пинг понг. За време на спортскиот ден ќе се организира и турнир во шах.
Премиерно издание на OHRID OPEN 2012 (5:13 PM, 04/21/2012)
Преку 120 натпреварувачи од пет земји од регионот ќе земат учество на првиот Taekwon-Do ITF турнир - „Охрид ОПЕН 2012 кој по повод јубилејот - 20 години постоење на Интернационалната Taekwon-Do Федерација на Република Македонија се одржува во Охрид. Борбите ќе се одржат во Спортската сала Билјанини Извори во текот на целиот денешен ден.
Христос Воскресе !!! (5:22 PM, 04/15/2012)
ЈП Билјанини Извори на сите граѓани од христијанска вероисповед им го честита големиот христијански празник Велигден и им посакува многу здравје, бериќет и среќа.
Христос Воскресе - Навистина Воскресе
За многу години
